عيب أوي علينا لما نعتبر إننا في بلد ديمقراطي ونسمح لواحد كلب زي ممدوح اسماعيل إنه يقضي على حياة 1033 راكب من ركاب العبارة المشئومة دي .. العبارة 98 ..
والله حرام بجد الناس دي كلها تموت ..
أنا عارفة أن الموت علينا حق ..
بس عيب أوي أن واحد زيه يقتل عدد كبير من الناس دول بدون ما ياخد عقاب يجازى عليه
والأدهي والأمر أن القاضي يقول براءته ويبرأه من كل التهم الموجهه ليه .. ويتقبض على كابتن عبارة سانت كاترين اللي نبهت الناس إن فيه عبارة بتغرق في الأساس..
طيب غلط الراجل دة أن حاول ينبههم وينقذ النس ويقولهم أن فيه عبارة بتغرق..
ولا غلط علشان نبه إن فيه مصايب هتحصل بسبب إهمالهم وسوء إدارتهم للشركة
بجد اللي الواحد يقدر يقوله
حسبي الله ونعم الوكيل
حسبي الله ونعم الوكيل
حسبي الله ونعم الوكيل
هناك 7 تعليقات:
فعلا يا اختي
مفيش غير حسبنا الله و نعم الوكيل
بجد حكم ظالم
و القاضي لو كان عارف ان حكمه عادل مكنش قام جري بعد ما قال الحكم
و بالنسبه للعباره التانيه
فقبطانها قال ان جاتله اوامر مباشرة انه يكمل في طريقه و ميلف للعبارة اللي بتغرق و ينقذ حد خوفا على الراكبين اللي معاه
عندنا جارنا زي ما قلتلك
زوجته و ولاده الاربعه اتوفوا في العبارة
انا لله و انا اليه راجعون و ده امر ربنا
بس فعلا ده يبقى احساسه بالظلم ايه دلوقتي
حسبنا الله و نعم الوكيل
يا سمسم قبطان سانت كاترين كان هيعمل إيه يعني
معاه الحمولة بتاعة السفينه كاملة ولو وقف لثواني علشان حموله السلام 98 كان غرق جنبها وفي الأخر جايين يلقوا اللوم عليه ..
بجد حسبي الله ونعم الوكيل
وشكرا على مرورك يا سمسم
طبعا مش هعرف اتكلم ولا اعرف ارد
واقول غير حسبى الله ونعم الوكيل
بجد محدش عارف ايه اللى بيحصل
واحد قتل كام واحد وفى الاخر براءه
والله حرام
حرام كل ده يحصل
1033 روح بريئه راحت هدر كده
واللى عمل كده خد براءه
امال مين اللى يتسجن
مين؟؟!!!!!!!!!
انا
ولا قبطان السفين الغلبان التانى
ولا مين ولا مين؟؟؟؟؟؟؟
محدش عارف ايه اللى بيحصل
ده المفروض يتعدم فى ميدان عام اساسا
بس هنعمل ايه
معندناش غير احنا نقول حسبى الله ونعم الوكيل
حسبى الله ونعم الوكيل
والله يا تيتو مغلطش في ولا لمة من اللي قولتها
بس أنت بتكلم في مين؟
يا عمي الناس دول خلاص باعونا وباعوا القضيةمعانا ..
مش بقولك خايفة أصحي في يوم يقولولي أن مصر أتباعت
وعارف كمان ..محدش من الكبار هيزعل عليها ..علشان في الأصلعايزين الفلوس في بنوك سويسرا تكتر ..
إنما 1034 روح من شباب وولاد وشيوخ وبنات بلده يروحوا..
يا عمي وأنا مالي .. المهم بقي سيبك من الكلام دة كله.. رصيدي في سويسرا بقي كام .. دة هلاقيه الرد ..
حاجة تحزن بجد.
الواحد مش هيقدر يقول غير حسبي الله ونعم الوكيل.
للاسف احنا خلاص بقينا نجرى ورا الفلوس مع العلم ان كل العالم عارف مين اللى تسبب فى العملة دية بس للاسف احنا بس اللى منعرفش لية
نبقى نقول دستور يا اخوانا وندخل برجلينا اليمين ونقرا الفنجان افضل
مافيش عير انك تقولى حسبي الله ونعم الوكيل
وربنا ارحم بعباده مننا
واهو الواحد بيفضفض بكلمتين ونرجع ناخد مج النسكافيه ونأنتخ على الكنبة قصاد العاشرة مساءا وتنزل مننا دمعتين ونلعن سلسفين الى جابوا الى جابوهم .. وبعد كده كله بيطلع فى الغسيل
منهم لله الى عملوا فينا كده
رد على طائر الليل الحزين:-
منور يا سعيد
بس بجد البلد دي مش هتتغير إلا بإيدين ولادها
غير كدة مفيش
=-=-=-=-=-=-=-=-=-=-=-
رد على بنوتة من وسط البلد:-
دة المصيبة اللي إحنا دايما فيها يا بنوتة
إننا بنأنتخ ..ونتفرج على البرامج دي اللي بتظهر مساوئ مصر وننزل دمعتين وخلاص كلواحد يروح لحاله وينسي الموضوع بمرور يومين أو ثلاتة
ربنا يستر علينا
منوراني يا بنوته
إرسال تعليق